ભાવનગર પશ્ચિમના ધારાસભ્ય જીતુભાઈ વાઘાણી રાજ્યની કેબિનેટમાં શિક્ષણમંત્રી તરીકે નિયુક્ત થતા તેમને શુભેચ્છા પાઠવવા અને અભિવાદન માટે ગાંધીનગર ખાતે સૌરાષ્ટ્ર ચેમ્બર ઓફ કોમર્સ એન્ડ ઇન્ડસ્ટ્રીના પ્રતિનિધિ મંડળે રૂબરૂ મુલાકાત લીધેલ . સૌરાષ્ટ્ર ચેમ્બર ના પ્રમુખ કિરીટભાઈ સોનીની આગેવાની હેઠળના આ પ્રતિનિધિ મંડળમાં ઉપપ્રમુખ તેજસભાઈ શેઠ , માનદમંત્રી પ્રકાશભાઈ ગોરસિયા , ચેમ્બરના પૂર્વપ્રમુખ મેહુલભાઈ વડોદરિયા , ચેમ્બર સાથે સંલગ્ન વિવિધ એસોસિએશન જેવા કે ભાવનગર પ્લાસ્ટિક મેન્યુફેક્ચરર્સ એસોસિએશન , ભાવનગર ડીસ્ટ્રીકટ સોલ્ટ મેન્યુફેક્ચરર્સ’એસોસિએશન , બિલ્ડર્સ એસોસિએશન , વિગેરેના હોદ્દેદારો , ચેમ્બરની વિવિધ કમિટીના ચેરમેન તથા મેનેજીંગ કમિટીના સભ્યો જોડાયેલ. મંત્રી જીતુભાઈ વાઘાણીએ અતિ વ્યસ્તતા વચ્ચેથી સમય ફાળવી સૌને મળેલ .
