ગાંધીનગર આરઆર સેલે રાજસ્થાનથી ઈનોવાના પાયલોટીંગ હેઠળ ગુજરાતમાં દારૂ લવાતા બે વાહનોને પકડી વિદેશી દારૂ તેમજ બિયરના ટીન પકડી પાડયા હતા. બાતમીને આધારે હરસોલના ટીંબા પાસે વોચ ગોઠવી પાયલોટીંગ કરતી ઈનોવા કાર નં. જીજે-૬-ઈએચ-૬૭૮૮ ને પકડી તેમાં રહેલો દારૂ તેમજ ચાલક સુરેશકુમાર હંસાજી ઉર્ફે હજારીમલ રાઠોડને પકડી પાડયો હતો. ત્યારબાદ તેની પાછળ આવેલા ટાટા એસી જીજે-પ-બીએકસ-૪૪૯૩ ના ચાલકો ઈનોવા પકડાઈ જતા કાર મુકી ભાગી ગયા હતા. જયારે તેમાંથી વિદેશી દારૂ તથા બીયર ટીન ૧૩ર૦ મળી કુલ રૂ. ૩૬૮૦૦ નો વિદેશી દારૂ અને તમામ મુદામાલ મળી રૂ. ૧ર,૩૭,૩૦૦ નો કબજો લઈ ઘટતી કાર્યવાહી તલોદ પોલીસ સ્ટેશનમાં હાથ ધરી છે.
