ભાવનગર મંડળના ૦૫ રેલ્વે કર્મચારીઓને રેલ સંરક્ષામાં ઉત્કૃષ્ટ કામગીરી કરવા બદલ પશ્ચિમ રેલ્વેના જનરલ મેનેજર (જીએમ) આલોક કંસલ દ્વારા “મેન ઓફ ધ મંથ” એવોર્ડથી સન્માનિત કરવામાં આવ્યા હતા. આ એવોર્ડ સમારોહનું આયોજન વેબિનાર દ્વારા કરવામાં આવ્યું હતું. ભાવનગર ડિવિઝનના એડિશનલ ડિવિઝનલ રેલવે મેનેજર સુનિલ આર. બારાપાત્રે દ્વારા તમામ રેલ્વે કર્મચારીઓને આ પુરસ્કાર આપવામાં આવ્યો હતો. ઉપસ્થિત કર્મચારીઓને મેડલ અને પ્રશસ્તિપત્ર એનાયત કરવામાં આવ્યા હતા. જનરલ મેનેજરે કર્મચારીઓ સાથે પણ વાતચીત કરી હતી. તેણે તે બધા પાસેથી ઘટના વિશે જાણ્યું અને તેમના કામની પ્રશંસા કરી. આ પ્રસંગે ભાવનગર મંડળના વરિષ્ઠ મંડલ સંરક્ષા અધિકારી અશોક કછાવાહ ઉપસ્થિત રહ્યા હતા. એવોર્ડ મેળવનાર કર્મચારીઓમાં ચેતન ડી (હેલ્પર, કેરેજ અને વેગન-વેરાવળ), અરુણ કુમાર (પીમેન-ઉજળવાવ), ભાવેશ કુમાર (પીમેન-ધોલા જંકશન), અભિમન્યુ કુમાર (પીમેન-ઉજળવાવ) અને કુંદન કુમાર (પીમેન-સાવરકુંડલા)નો સમાવેશ થાય છે.
