ભાવનગર નજીકના કરદેજ ગામે ખોડીયાર માતાના મંદિર પાસે બેસી ત્રણ શખ્સોએ કોળી સમાજની બહેન-દિકરીઓ વિશે બિભત્સ શબ્દો બોલી વિડીયો વાયરલ કર્યો હતો. જે બાબતે કોળી સમાજ રોષે ભરાયો હતો અને ભાવનગર એસ.પી.ને લેખીત રજૂઆત કરી હતી. બનાવ અંગેની ગંભીરતાને ધ્યાને લઈ એસ.પી.ની સુચનાથી વરતેજ પોલીસે બનાવ અંગે મુકેશભાઈ દેવશીભાઈ રહે. બોરતળાવવાળાની ફરિયાદ નોંધી વિડીયો વાયરલ કરનાર ત્રણેય શખ્સોને ઝડપી લીધા હતા.
વરતેજ પાસેના કરદેજ ગામે ગત તા.૮-પના રોજ શૈલેષ ભુપતભાઈ મકવાણા નામના શખ્સ પાસે હરેશ ઉર્ફે મોટીયો સામંત ડાંગર રે.કરદેજ તથા શૈલેષભાઈ મકવાણા રે.કરદેજ તથા એક સગીરએ મળી કોળી સમાજની મહિલાઓ વિશે બિભત્સ બોલી વિડીયો વાયરલ કર્યો હતો. જે બનાવ અંગે વરતેજ પોલીસમાં ફરિયાદ નોંધાતા પોલીસે સગીર સહિત ત્રણેયને ઝડપી લઈ ધોરણસરની કાર્યવાહી કરી છે.
