તળાજા તાલુકાના વેળાવદર ગામે રહેતા આણંદજીભાઈ દેવશીભાઈ હડિયા આજે સાંજના ૪.૩૦ના અરસામાં પોતાના ઘરેથી વાડીએ જઈ રહ્યાં હતા ત્યારે તળાજા-ભાવનગર હાઈવે પર વેળાવદર ગામ પાસે આવેલી જય અંબે જીનિંગ પાસે રોડ ક્રોસ કરી રહ્યાં હતા ત્યારે ભાવનગર તરફથી આવી રહેલી અને કળસાર જઈ રહેલી જીજે-૦૫-જેકે-૬૩૨૨ના ચાલકે અડફેટે લેતા તેમને ગંભીર ઈજાઓ પહોંચી હતી. બાદમાં આણંદજીભાઈ દેવશીભાઈ હડિયા (ઉ.વ.૭૦)નું સારવાર દરમિયાન મોત થયું હતું. આ અંગે મૃતકના દિકરા પ્રવિણભાઈ આણંદભાઈ હડિયા (રહે. વેળાવદર)એ તળાજા પોલીસ મથકમાં જીજે-૦૫-જેકે-૬૩૨૨ના ચાલક વિરૂદ્ધ ફરિયાદ નોંધાવી હતી. દરમ્યાનમાં અન્ય એક બનાવમાં બોટાદમાં સવગળનગર-૨માં રહેતા કિરણભાઈ ડાયાભાઈ બથવાર અને તેમના મોટાભાઈ નીલેશભાઈ ડાયાભાઈ બથવાર (ઉ.વ.૨૯) તા. ૧૭/૧૨ના સાંજ ૯.૩૦ સાંગપુર રોડ પર જમીને આટો મારવા જતાં હતા ત્યારે અમન ટાવર પાસે પહોચ્યા હતા ત્યારે કાર નં.જીજે.૩૩ બી.૬૦૦૧ના ચાલકે નીલેશભાઈને ટક્કર મારતા મોત નિપજ્યું હતું.
