ભાવનગર જિલ્લાના સિહોર પોલીસે એક અનોખું કાર્ય કરી સંવેદના સભર સંદેશો પુરો પાડ્યો છે ઉસરડ ગામનાં વયોવૃદ્ધ અને એકલવાયું જીવન જીવતા વૃદ્ધ ના જન્મદિવસ ની તેના ઘરે જઈને ઉજવણી કરી હતી. સાંપ્રત સમાજમાં સુરક્ષા વ્યવસ્થાની જે જવાબદારી વહન કરે છે એ પોલીસ વિભાગ દ્વારા અવારનવાર એવાં સામાજિક કાર્યો કરી માનવતાના સંવેદનશીલ સંબંધો ઉજાગર કરતાં હોય છે ત્યારે તાજેતરમાં સામાજિક સંવેદનાનો એક કિસ્સો પ્રકાશમાં આવ્યો છે જેમાં સિહોર પોલીસે મિડિયા એપ માધ્યમથી સિહોર તાલુકાના ઉસરડ ગામે એકલવાયું જીવન જીવતા અને જીવન સંધ્યાની વયે પહોંચેલા વૃદ્ધનો જન્મદિવસ એપ માધ્યમથી જાણી પોલીસ જવાનોએ તેમના ઘરે પહોંચી કેક કાપી વૃદ્ધ ને ભોજન કરાવી અનોખી ઉજવણી કરી હતી અને સમાજને સુંદર ઉદાહરણ પુરૂ પાડ્યું હતું.
