આગામી તા.11મી માર્ચના રોજ રિલીઝ થનાર ગુજરાતી ફિલ્મ ‘પ્રેમ પ્રકરણ’ ના કલાકારો આજે ભાવનગર આવ્યા હતા. ગુજરાતી ફિલ્મ ‘પ્રેમ પ્રકરણ’ એ એક સંગીતમય પ્રેમ કથા છે આ ફિલ્મના લેખક તથા નિર્દેશક ચંદ્રેશ ભટ્ટ છે, બૉલીવુડના જાણીતા સંગીતકાર અમિત ત્રિવેદી એ પહેલી વાર આ ફિલ્મમાં મ્યુઝિક આપીને ગુજરાતી ફિલ્મ ઇન્ડસ્ટ્રીમાં પોતાનું ડેબ્યુ કર્યુ છે નિરેન ભટ્ટે આ ફિલ્મમાં ગીતો લખ્યા છે. આ ફિલ્મમાં ગુજરાતી ફિલ્મ ઇન્ડસ્ટ્રીના જાણીતા કલાકારો ગૌરવ પાસવાલા, દીક્ષા જોશી અને ઈશા કંસારા મુખ્ય ભૂમિકામાં છે આ ફિલ્મમાં એક નાનકડા શહેરમાં રહેતો આદિ, તેના સાચા પ્રેમ માટે ખુબ પ્રયત્નોથી આગળ વધે છે, પરંતુ વાસ્તવિકતા તેને અપૂરતા પ્રેમના રૂપમાં તેના પર સખત પ્રહાર કરે છે. તેમ છતાં, તેના પ્રેમની ધીમે ધીમે એક અસામન્ય સંજોગો થકી ચુકવણી થાય છે, આદિએ જે પ્રેમ કોઈ પર વરસાવ્યો હતો, તે આખરે તેના તમામ રૂપમાં પાછો આવે છે . ફિલ્મ ‘પ્રેમ પ્રકરણ’ 11 મી માર્ચ 2022 ના રોજ ગુજરાત અને મુંબઈના સિનેમાઘરોમાં રિલીઝ થઈ રહી છે.
