યુક્રેન અને રશિયાના પ્રતિનિધિમંડળ બેલારૂસ પહોંચ્યા, યુએસ સ્ટેટ ડિપાર્ટમેન્ટે બેલારુસમાં એમ્બેસી બંધ કરી
નવી દિલ્હી, તા.૨૮
બેલારુસના મિન્સ્ક શહેરમાં રશિયા સાથે ચાલી રહેલા તણાવ અને યુદ્ધ વચ્ચે બંને દેશોના પ્રતિનિધિમંડળો વચ્ચે શાંતિ મંત્રણાને લઈને તમામ ઔપચારિક તૈયારીઓ પૂર્ણ કરી લેવામાં આવી છે. ભારતીય સમય અનુસાર બપોરે ત્રણ વાગ્યા પછી બેઠક શરૂ થઈ છે. આ બેઠક પર તમામ દેશોની નજર છે. સમાચાર એજન્સી તાસના જણાવ્યા અનુસાર રશિયાનું નેતૃત્વ વ્લાદિમીર મેડિન્સકી કરી રહ્યા છે, જે રાષ્ટ્રપતિ વ્લાદિમીર પુતિનના સહયોગી છે. તેણે અગાઉ કહ્યું હતું કે બેલારુસના ગોમેલ ક્ષેત્રમાં મંત્રણા માટે યુક્રેન સાથે સમજૂતી થઈ હતી. રશિયાનું પ્રતિનિધિમંડળ ત્યાં પહોંચી ચૂક્યું છે. રોઇટર્સે યુક્રેનના રાષ્ટ્રપતિ કાર્યાલયને ટાંકીને જણાવ્યું હતું કે યુક્રેનનું પ્રતિનિધિમંડળ રશિયન પ્રતિનિધિઓ સાથે વાતચીત કરવા બેલારુસિયન સરહદ પર પહોંચી ગયું છે.
યુ.એસ.એ યુક્રેન પરના હુમલા સામે કઠોર બદલો લેવા માટે રશિયન સેન્ટ્રલ બેંકને બંધ કરી, રાજ્યના રોકાણ ભંડોળ પર પ્રતિબંધ મૂક્યો હોવાનું જાણવા મળ્યું છે. યુએસ સ્ટેટ ડિપાર્ટમેન્ટે બેલારુસમાં એમ્બેસી બંધ કરી, યુએસ રાજદ્વારીઓને રશિયાની મુલાકાત લેવા માટે અધિકૃત કર્યા કર્યા હોવાના અહેવાલ પણ મળ્યા છે. યુએનના માનવાધિકાર વડા મિશેલ બેચેલેટનું કહેવું છે કે તેમની ઓફિસે પુષ્ટિ કરી છે કે ગુરુવારથી યુક્રેનમાં હિંસામાં ૭ બાળકો સહિત ૧૦૨ નાગરિકો માર્યા ગયા છે અને ૩૦૪ અન્ય ઘાયલ થયા છે. તેમણે ચેતવણી આપી હતી કે આ આંકડો નોંધપાત્ર રીતે વધી શકે છે. તેમણે યુએનના અપડેટ કરેલા આંકડાઓ ટાંક્યા કે છેલ્લા કેટલાક દિવસોમાં ૪,૨૦,૦૦૦ થી વધુ લોકો દેશ છોડીને ભાગી ગયા છે. નાટોના વડા જેન્સ સ્ટોલ્ટનબર્ગે આજે એક ટિ્વટમાં જણાવ્યું હતું કે નાટો સહયોગી યુક્રેનને એર ડિફેન્સ મિસાઇલો અને ટેન્ક વિરોધી હથિયારો પ્રદાન કરી રહ્યા છે. યુક્રેન અને રશિયાના ઉચ્ચ સ્તરીય પ્રતિનિધિમંડળો વચ્ચે બેલારુસ સરહદ પર વાટાઘાટો શરૂ થઈ ગઈ છે. યુક્રેનના રાષ્ટ્રપતિના સલાહકાર મિખાઈલો પોડોલિકે સોમવારે ન્યૂઝ એજન્સીને જણાવ્યું હતું. અગાઉ, યુક્રેનના રાષ્ટ્રપતિ કાર્યાલયે જણાવ્યું હતું કે મંત્રણા માટે યુક્રેનનો ધ્યેય તાત્કાલિક યુદ્ધવિરામ અને યુક્રેનમાંથી રશિયન દળોને પાછો ખેંચવાનો હતો.
