ભાવનગર શહેરના સરદારનગર થી ભરતનગર તરફ જવાના રોડપર એક કારને અકસ્માત નડતા કાર ચાલકને નાનીમોટી ઈજા પહોંચી હતી.સમગ્ર બનાવ અંગે સૂત્રો પાસેથી જાણવા મળતી વિગતો અનુસાર શહેરના સરદારનગર થી ભરતનગર તરફ જવાના રોડપર ગત રાત્રે એક કાર નં-જી-જે-૦૪-ડીએ-૧૦૨૦ પૂર ઝડપે પસાર થઈ રહી હતી તે વેળાએ કાર ચાલકે વાહન પરનો કાબૂ ગુમાવતાં કાર ધડાકાભેર ડીવાઈડર સાથે અથડાઈ પલ્ટી ખાઈ જતાં કાર ચાલકને નાનીમોટી ઈજા સાથે સારવાર અર્થે હોસ્પિટલમાં ખસેડવામાં આવ્યો હતો આ બનાવમાં કારને મોટું નુકસાન થયું હતું જોકે આ અંગે પોલીસ સ્ટેશનમાં કોઈ ફરિયાદ દાખલ થવા પામી નથી.
