અફવા બાદ સ્વયં બાપુએ જણાવ્યું હું ક્ષેમકુશળ છું
ભાવનગરના પ્રસિધ્ધ ગોળીબાર હનુમાનજી મંદિરના મહંત પૂ.મદનમોહનદાસજી બાપુ વિષે ચિંતા પ્રેરક અફવાનો દોર કાલે સોશિયલ મીડિયામાં ચાલ્યો, કોઈની ટીખળથી આ અફવા ખૂબ વાયરલ થઈ. અંતે ઢળતી સાંજે બાપા ક્ષેમકુશળ હોવા અંગે સૌ પ્રથમ સૌરાષ્ટ્ આસપાસ દૈનિકે બ્રેકીંગ દ્વારા રાહતરૂપ સમાચાર આપ્યા. આથી લાખો શ્રદ્ધાળુઓમાં હાશકારો થયો હતો.
પૂ.મદનમોહનદાસજી બાપુએ વર્ષો પૂર્વે ગૌસેવાનો યજ્ઞ આદર્યો જે આજે પણ યથાવત છે. પૂ.બાપાની ઉંમર આજે ૧૧૩ વર્ષની હોવાનું મનાય છે. ગૌસેવા બાપુની પ્રાણવાયુ બની હોય તેમ આ ઉંમરે પણ મદનમોહનદાસ બાપુ નરમગરમ તબિયત વચ્ચે ક્ષેમકુશળ છે.! થોડા દિવસ પૂર્વે બાપુની તબિયત કથળી હતી આથી ખાનગી હોસ્પિટલમાં લગાતાર ૧૨ દિવસ સારવાર ચાલી, આ ઉંમરે પણ તેમણે ન્યુમોનિયાને હંફાવ્યો. રામજીકી ઇચ્છાસે… બાપુ ૧૧૩ વર્ષની આયુ છતાં બોલી, સાંભળી શકે છે. ગઈકાલે અફવાનો દૌર ચાલ્યા બાદ સેવકગણમાં ચિંતા પ્રસરી હતી, પૂ.બાપુએ જાતે જ વિડીયોના માધ્યમથી પોતે ક્ષેમકુશળ હોવાનું જણાવતા ભાવિકોને હાશકારો થયો હતો.
