બેંગ્લોર,તા.૧૪
બેંગ્લોર ટેસ્ટના પ્રથમ દિવસે ભારત માટે બધુ ખાસ નહોતુ રહ્યુ. ભારતીય ટીમે પ્રથમ બેટિંગ કરવાનો નિર્ણય લીધો હતો પરંતુ સમગ્ર ટીમ પહેલા જ દિવસે ૨૫૨ રનમાં ઓલઆઉટ થઈ ગઈ હતી. ટીમ તરફથી શ્રેયસ અય્યરે સૌથી વધુ ૯૨ રનની ઇનિંગ રમી હતી. તેના સિવાય વિકેટ કીપર બેટ્સમેન ઋષભ પંતે પણ ટીમ માટે ૩૯ રન બનાવ્યા હતા. જોકે આ દરમિયાન ટીમના કેપ્ટન અને ઓપનર રોહિત શર્મા કંઈ ખાસ કરી શક્યા ન હતા. તેણે ૨૫ બોલમાં માત્ર ૧૫ રન બનાવ્યા હતા. આ ૧૫ રનમાંથી રોહિતે સિક્સર અને ફોર સાથે ૧૦ રન ઉમેર્યા હતા. તેની ટૂંકી ઇનિંગ્સમાં પણ તેણે એક ફોર અને એક સિક્સર ફટકારી હતી. જોકે, રોહિતની આ સિક્સર સ્ટેડિયમમાં બેઠેલા ફેન માટે ભારે પડી હતી. આ છગ્ગાથી તે લોહીલુહાણ થઈ ગયો. હોસ્પિટલમાં ગયા પછી ખબર પડી કે તેના નાકનું હાડકું તૂટી ગયું છે અને તેમાં ફ્રેક્ચર છે. રોહિતને આ સમય વિશે કોઈ ખ્યાલ નહોતો. બીજી ટેસ્ટ માટે ચિન્નાસ્વામી સ્ટેડિયમ ભરચક હતું. ચાહકો તેમના સ્ટાર બેટ્સમેનોને રમતમાં જોવા માટે ઉત્સુક હતા. રોહિત મયંક અગ્રવાલ સાથે ઓપનિંગ કરવા આવ્યો હતો. વિશ્વા ફર્નાન્ડો છઠ્ઠી ઓવર નાખશે. ઓવરના છેલ્લા બોલ પર રોહિતે પુલ કરતી વખતે મિડ-વિકેટ તરફ સિક્સર ફટકારી હતી. ડી કોર્પોરેટ બોક્સમાં બેઠેલા ૨૨ વર્ષના ચાહકના નાક પર બોલ વાગ્યો. નાક પર ખૂબ જ ઊંડો કટ હતો જેના પછી તેને હોસ્પિટલ લઈ જવામાં આવ્યો હતો. ત્યાં એક્સ-રે કરાવ્યા પછી ખબર પડી કે તેના નાકમાં ફ્રેક્ચર છે. બેંગ્લોરની હોસ્મત હોસ્પિટલના ડૉક્ટર અજિત બેનેડિક્ટ રિયાને જણાવ્યું હતું કે, “એક્સ-રે દર્શાવે છે કે તેને નાકનું હાડકું ફ્રેક્ચર થયું હતું. આ સાથે બોલના કટ પર ટાંકા પણ મુકવામાં આવ્યા છે.
