ઈજાગ્રસ્તોને સારવાર અર્થે હોસ્પિટલમાં ખસેડવામાં આવ્યા
ભાવનગર શહેરના હલુરીયાચોકમા સામાન્ય બાબતે બે યુવાનો પર સરાજાહેર છરીના ઝીંકાતા ભારે ચકચાર મચી જવા પામી છે.
સમગ્ર બનાવ અંગે સૂત્રો પાસેથી જાણવા મળતી વિગતો અનુસાર શહેરના હલુરીયાચોકમા દિવાનપરા રોડપર અગાઉ બાઈક અથડાવા જેવી સામાન્ય બાબતે પાર્થ મિતેશ ચૌહાણ તથા તેનાં કૌટુંબિક વિજય જેન્તિભાઈ ચૌહાણ હલુરીયાચોકમા સમાધાન માટે એકઠા થયા હતા જયાં કોઈ અજાણ્યા શખ્સોએ પાર્થ તથા વિજય પર પાછળથી છરી વડે હુમલો કરી લોહીયાળ ઈજા પહોંચાડી નાસી છુટ્યા હતાં આ ઘટનાને પગલે લોકો ના ટોળેટોળાં એકઠા થયા હતા અને સી-ડીવીઝન પોલીસ નો કાફલો સ્થળપર દોડી આવ્યો હતો અને ઈજાગ્રસ્તોને સારવાર અર્થે સર.ટી હોસ્પિટલમાં ખસેડવામાં આવ્યા હતા આ અંગે પોલીસે તપાસ હાથ ધરી છે.
