નાના બાળકોએ ભગતસિંહ, રાજગુરુ તથા સુખદેવના વેશભૂષા ધારણ કર્યું
ભાવનગર શહેરના હલુરિયા ચોક ખાતે આવેલા શહીદ સ્મારક ખાતે શહીદ દિન નિમિત્તે પ્રે સ્કૂલના બાળકો દ્વારા વંદન કરી ત્રણેય ક્રાંતિકારીઓને પુષ્પાંજલિ અર્પણ કરવામાં આવી હતી. આજના બાળકો દેશના શહીદો વિશે માહિતગાર થાય અને આપણાં લડવૈયાઓને વંદન કરવા બાળકો તેમજ સંસ્થાના કિડ્સ વર્ડ પ્રે શાળાના ભૂલકાઓએ પુષ્પાંજલિ અર્પણ કરી હતી. બાળકોએ ઈન્કલાબ જીંદાબાદના નારા લગાવ્યા હતા. નાના બાળકોએ ભગતસિંહ, રાજગુરુ તથા સુખદેવના વેશભૂષા ધારણ કર્યું હતું.
શહીદ ભગતસિંહ, સુખદેવ અને રાજગુરુનો આજે બલિદાન દિવસ છે. જેના ભાગરૂપે ભાવનગર જિલ્લામાં શૈક્ષણિક સંસ્થાઓ ખાતે ત્રણેય ક્રાંતિકારીઓને શ્રદ્ધાંજલિ અર્પણ કરવામાં આવી હતી. સાથે ઇન્કલાબ જીન્દાબાદ, ભારત માતા કી જય અને શહીદો અમર રહોના નારા લગાવ્યા હતા. આ કાર્યક્રમમાં મહેશ પંડ્યા, કુલદીપ ગઢવી, આરતીબેન પંડ્યા, મિતલબેન તથા સ્ટાફે જહેમત ઉઠાવી હતી.
