૫૮માં જન્મદિને ભારતીબેન શિયાળએ કર્યું અંગદાન મહાદાન વેનનુ લોકાર્પણ
ભાવનગર ના સાંસદ ડોક્ટર ભારતીબેન શિયાળના આજે ૫૮માં જન્મદિવસની ઉજવણી શિહોર ખાતે બંધન પાર્ટી પ્લોટમાં કરવામાં આવી હતી સિહોર શહેર તથા તાલુકા ભાજપ દ્વારા અગિયારસો બોટલ રક્તદાનના મહા સંકલ્પ સાથે સાસદનો જન્મદિવસ ઉજવવામાં આવ્યો હતો.
શિહોર ખાતે સાંસદ ભારતીબેને આજે શહીદ દિન નિમિત્તે પ્રથમ શહીદ ભગતસિંહની પ્રતિમાને પુષ્પાંજલિ અર્પણ કરી હતી ત્યારબાદ કેક કાપ્યું હતું. આ પ્રસંગે ભાજપ પ્રમુખ મુકેશભાઈ લંગાળીયા, જિલ્લા પંચાયત પ્રમુખ ભરતસિંહ ગોહિલ, તાલુકા પંચાયત પ્રમુખ તૃપ્તિબેન જસાણી, નગરપાલિકા પ્રમુખ વી.ડી.નકુમ, ધીરુભાઈ શિયાળ, રઘુભાઈ હુબલ તેમજ ભાજપના આગેવાનો કાર્યકરો ઉપસ્થિત રહ્યા હતા આ પ્રસંગે ભારતીબેને અંગદાન મહાદાન વેનનુ લોકાર્પણ કર્યું હતું તેમજ આ અંગેની ટેલી ફિલ્મ પણ દર્શાવવામાં આવી હતી તેમણે કહેલ કે અંગ અને રક્ત માનવ જીવન માટે મહત્વના છે.તેમણે બંધન પાર્ટી પ્લોટ ખાતે મહા રક્તદાન કેમ્પની પણ મુલાકાત લીધી હતી.
અને તમામ રક્યદઃતાઓને શુભેચ્છા પાઠવી હતી.
