દેશ વ્યાપી ટ્રેડ યુનિયનની હડતાલના પગલે ભાવનગરમાં આજે વિશાળ રેલી યોજાઈ હતી. જયારે બેંક, એલઆઇસી, પોસ્ટ, ઇન્કમટેક્સ સજ્જડ બંધ રહ્યા હતા. જીલ્લાનાં પાલીતાણા, સિહોર, ગારીયાધાર, વલ્લભીપુર, મહુવા, ધોધા, સોનગઢ, તળાજા, તાલુકાઓમાં આશા વર્કર- ફેસીલીએટર- આંગણવાડી વર્કર- હેલ્પર બહેનો બાળકોના પોષણની કામગીરી ચાલુ રાખીને રજાભરીને વિશાળ સંખ્યામાં દેખાવો યોજી કામથી અગળા રહયા હતા. ભાવનગરમાં સી.આઈ.ટી.યુ. ગુજરાત બેંક વર્કસ યુનિયન, હિન્દ મજદુર સભા, ઓલ ઈન્ડીયા ઈન્સ્યુરન્સ એમ્પ્લોઈઝ એસોશીએશન, જનવાદી મહિલા સમિતિ, વેસ્ટર્ન રેલ્વે એમ્પ્લોઈઝ યુનિયન, પોસ્ટલ યુનિયન, ગુજરાત આંગણવાડી કર્મચારી યુનિયન, ગુજરાત આશા એન્ડ હેલ્થ વર્કસ, યુનિયન, ભાવનગર કામદાર સંઘ, સહીતનાં વિવિધ સંગઠનો સવારે મોતીબાગથી રેલી કાઢી ગંગાજળીયા તળાવ પાર્કીંગ- ફૂટપાથ પાસે દેખાવો કરવામાં આવ્યા હતા.
