કોરોનાના સબવેરિયન્ટના કેટલાક કેસ ભારતમાં પણ જોવા મળ્યા છે, સુધાકરે કહ્યું છે કે ઓગસ્ટમાં દેશને ચોથી લહેરનો સામનો કરવો પડી શકે છે
નવી દિલ્હી, તા.૩૦
કોરોના વાયરસનો પ્રકોપ ફરી એકવાર શરૂ થયો છે. અમેરિકા અને બ્રિટન સહિત એશિયા અને યુરોપના ઘણા દેશોમાં કોરોના વાયરસના કેસ ઝડપથી વધી રહ્યા છે. આ જોતા ભારત સહિત સમગ્ર વિશ્વમાં કોરોનાના ચોથી વેવની આશંકા સેવાઈ રહી છે. કર્ણાટકના આરોગ્યમંત્રી કે સુધાકરે વિધાન પરિષદને જણાવ્યું છે કે ઓગસ્ટમાં ભારતમાં રોગચાળાની ચોથી લહેર જોવા મળી શકે છે. છેલ્લા કેટલાક અઠવાડિયાથી ઘણા દેશોમાં કોરોનાના નવા કેસોની સંખ્યામાં અચાનક મોટો વધારો થયો છે. કહેવામાં આવી રહ્યું છે કે આ વખતે કોરોનાના સૌથી ઝડપથી ફેલાતા પ્રકાર ઓમિક્રોન સબવેરિયન્ટ મ્છ.૨ના કેસ વધુ ઝડપથી વધી રહ્યા છે. સૌથી ખરાબ સ્થિતિ દક્ષિણ કોરિયામાં છે, જ્યાં દરરોજ કોરોનાના લગભગ પાંચ લાખ કેસ સામે આવી રહ્યા છે. કોરોનાના આ સબવેરિયન્ટના કેટલાક કેસ ભારતમાં પણ જોવા મળ્યા છે. સુધાકરે વિધાન પરિષદમાં કહ્યું છે કે ઓગસ્ટમાં દેશને ચોથી લહેરનો સામનો કરવો પડી શકે છે. ૈૈંં્-કાનપુરના વૈજ્ઞાનિકો દ્વારા તૈયાર કરવામાં આવેલા ગાણિતિક મોડલમાં ઓગસ્ટમાં ચોથી લહેરની આગાહી કરવામાં આવી હતી. તેમણે જણાવ્યું હતું કે ગયા મહિને હાથ ધરવામાં આવેલા ખાસ જીનોમ સિક્વન્સિંગ અભિયાનમાં દર્શાવવામાં આવ્યું હતું કે ૮૯.૬ ટકા નમૂનાઓમાં ઓમેક્રોન છે જ્યારે ૧૦ ટકામાં ડેલ્ટા અને અન્ય પ્રકારો છે. ઓમિક્રોનના નમૂનામાં પણ ૯૯.૧ ટકા મ્ટ્ઠ.૨ સબવેરિયન્ટ હતું. ઓમિક્રોનનું સબવેરિયન્ટ મ્છ.૨ સૌપ્રથમ ફિલિપાઈન્સમાં મળી આવ્યું હતું અને હવે તે ૪૦ જુદા જુદા દેશોમાં ફેલાયું છે, એમ તેમણે જણાવ્યું હતું. તેથી આપણે હાઈ એલર્ટ રહેવાની જરૂર છે. ૈૈંં્-કાનપુરે તાજેતરના ગાણિતિક મોડલ અને અભ્યાસના આધારે ભારતમાં ચોથી લહેરની આગાહી કરી હતી. તે જ યાદ કરતાં સુધાકરે કહ્યું કે રિપોર્ટ અનુસાર ભારતમાં ચોથી લહેર ઓગસ્ટમાં ટોચ પર પહોંચવાની શક્યતા છે. પરંતુ આપણે ગભરાવાની જરૂર નથી કારણ કે ભારતમાં વ્યાપક પ્રમાણ રસીકરણ થઇ ચુક્યું છે. કેટલાક અભ્યાસો અનુસાર ઓમિક્રોન સબવેરિયન્ટ મ્છ.૨ ના બે લાક્ષણિક લક્ષણો છે ચક્કર અને થાક. દર્દીઓમાં ચેપ લાગ્યાના ત્રણ દિવસ સુધી આ લક્ષણો હોઈ શકે છે. બીજું, આ પ્રકાર આંતરડાને વધુ અસર કરે છે, તેથી દર્દીઓને ઉબકા, ઝાડા, ઉલટી, પેટમાં દુખાવો, ગરમી અને પેટનું ફૂલવું જેવા લક્ષણો પણ અનુભવી શકે છે. જો આપણે તેના સામાન્ય લક્ષણો વિશે વાત કરીએ, તો તાવ, ઉધરસ, ગળામાં ખરાશ, માથા પર ઘા, સ્નાયુ થાક, હૃદયની ગતિમાં વધારો તેમાં શામેલ છે.
