ભાવનગર શહેરના કુંભારવાડા-મોતીતળાવ સ્થિત એક ભંગારના ડેલામાં કોઈ કારણોસર આગ લાગતાં ફાયરબ્રિગેડનો કાફલો ઘટના સ્થળે દોડી ગયો હતો અને એક કલાકની જહેમત બાદ આગ પર કાબુ મેળવ્યો હતો. સમગ્ર બનાવ અંગે ફાયરબ્રિગેડ કચેરીએથી જાણવા મળતી વિગતો અનુસાર અધિકારી ઓને કોલ મળ્યો હતો કે મોતીતળાવ વિસ્તારમાં આવેલ વીઆઈપી ઈન્ડસ્ટ્રીયલ પાર્કમાં એક ભંગારના ડેલા નં-૮૬ માં આગ લાગી છે જે માહિતી આધારે ટીમ ઘટના સ્થળે દોડી આવી હતી અને એક કલાક લગાતાર પાણીનો મારો ચલાવી આગ પર કાબુ મેળવ્યો હતો આ ડેલામાં પડેલ ભંગારનો જથ્થો સળગી ગયો હતો આ પ્લોટની માલિકી મુકેશભાઈ પંડિત નામના વ્યક્તિ ની છે જયારે ડેલો અલંગ ના સ્ક્રેપ માટે લોહીયા નામના શખ્સે ભાડે રાખ્યો છે આ ઘટનામાં આગ લાગવાનું કારણ કે નુકશાનીનો આંક જાણવા મળ્યો નથી.
