આજે વેજીટેબલ, મંગળવારે ઉદ્યોગનગર અને બુધવારે જમનાકુંડ ફીડર હેઠળના વિસ્તારમાં બપોર સુધી વીજ પુરવઠો નહીં મળે
શહેરના જુદા-જુદા વિસ્તારોમાં સોમવારથી ત્રણ દિવસ છ કલાકનો વીજકાપ ઝીંકવામાં આવ્યો છે. વીજ તંત્ર દ્વારા ઉનાળામાં પાવરકાપના ઝટકાથી લોકોની મુશ્કેલી વધશે. PGVCL ભાવનગર સિટી-૧ કચેરી દ્વારા વીજ લાઈન ઉપર અગત્યની કામગીરી હાથ ધરવામાં આવનાર હોવાથી તા.૪-૪ને સોમવારે વેજીટેબલ ફીડરના પોપટનગર, ધનાનગર, રાજા સ્લેટ અને આસપાસના વિસ્તારોમાં તેમજ તા.૫-૪ને મંગળવારે ઉદ્યોગનગર ફીડર હેઠળના માધવ કોમ્પલેક્ષ, શાસ્ત્રીનગરનો અમુક ભાગ, ગુજરાત હાઉસીંગ બોર્ડની ઓફિસ, ગઢેચી વડલા, ડીઆરએમ ઓફિસ (એચટી), રામજીની વાડી, રેલવે ક્વાર્ટર, આજુબાજુના વિસ્તારમાં અને તા.૬-૪ને બુધવારે જમનાકુંડ ફીડરના ટેકરી ચોકથી રૂવાપરી ચોક, જાફરી ફ્લેટ, એહમદ નૂર, વસાઈવાલા હોસ્પિટલ, ઈબ્રાહિમ મસ્જિદ, એસબીઆઈ ટ્રેનીંગ સેન્ટર, આંગણવાડી તથા આસપાસના વિસ્તારમાં સવારે ૭થી બપોરના ૧ કલાક સુધી વીજ પુરવઠો બંધ રાખવામાં આવશે તેમ જણાવાયું છે.
