ભાવનગર શહેરના વડવા વોશીંગઘાટ પાસે આવેલા હઝરત સૈયદ સાંઇ મુરાદશાબાવાનો ૩૦૬મો ઉર્ષમુબારક શાનદાર રીતે ઉજવાયો હતો. આ પ્રસંગે દરગાહ શરીફમાં સંદલ શરીફ, ચાદર શરીફ, સલાતો સલામ, સામુહિક દુવાઓ, ન્યાઝ શરીફ, તથા રાત્રે મશહુર કવ્વાલ જાકિર ચિસ્તી અજમેરીનો કવાલીનો કાર્યક્રમ સહિત ધાર્મિક કાર્યક્રમો યોજાયા હતા. આ પ્રસંગે મોટી સંખ્યામાં મુસ્લીમ શ્રધ્ધાળુ લોકોએ હાજરી આપી હતી. આ કાર્યક્રમને સફળ બનાવવા દરગાહ શરીફના ખાદીમ સાંઇ ઇકબાલ અ.કાદરભાઇ તથા ખાદીમ સલીમબાપુ સહિતનાઓએ જહેમત ઉઠાવી હતી.
