માસુમ બાળક ઉપર જ્વલનશીલ પદાર્થ ફેંકી અંજાણ્યો શખ્સ ફરાર
શહેરના જમના કુંડ વિસ્તાર નજીક આજે સવારે ૧૧ થી સાડા અગિયાર વાગ્યાના સુમારે આંગણવાડીમાં જઈ રહેલા એક માસુમ બાળક ઉપર કોઈ અજાણ્યા શખ્શે જવ્લનશીલ પદાર્થ ફેકી નાસી છૂટવાનો બનાવ બનતા ચકચાર મચી જવા પામી છે બનાવની જાણ થતાં મસમોટો પોલીસ કાફલો ઘટનાસ્થળે દોડી ગયો હતો જોકે બાળકને મોટી ઇજા થઈ ન હોય પરિવાર તથા પોલીસે રાહત અનુભવી છે. બનાવ અંગે મળતી વિગતો મુજબ શહેરા પ્રભુદાસ તળાવ પ્લોટ નંબર ૪૦૫ માં રહેતા રવિભાઈ વાઘેલાનો પુત્ર મોક્ષિક તેની માતા સાથે સવારે અગિયાર વાગ્યાના સુમારે શિશુવિહાર નજીક આવેલ આગણવાડીમા જઇ રહ્યા હતા ત્યારે જમનાકુડ નજીક શિશુવિહાર સ્કુલની પાછળ નુરૂદ્દીનભાઇના ઘર પાસે પહોંચ્યા હતા ત્યારે કોઇ અજાણ્યો શખ્સ માસૂમ બાળક મોક્ષિક પર જ્વલનશીલ પદાર્થ ફેકી નાસી છુટ્યો હતો. તેની માતા કાઈ સમજે વિચારે તે પહેલા શખ્સ ફરાર થઈ ગયો હતો. આ બનાવની જાણ થતા લોકોના ટોળા એકઠા થઈ ગયા હતા. જો કે જ્વલનશીલ પદાર્થ ફેકનારનું નિશાન યોગ્ય જગ્યાએ ન લાગ્યુ હોવાથી બાળકને સામાન્ય ઈજાથવા પામી હતી. આ બનાવની જાણ થતા બી.ડીવીઝન, સી.ડીવીઝન, એલસીબી સહિતનો મસમોટો પોલીસ કાફલો ઘટનાસ્થળે દોડી ગયો હતો. સમગ્ર વિસ્તારમાં ચકચાર મચી જવા પામી છે. બનાવ અંગે પોલીસે બાળક તથા માતાને પુછપરછ માટે લઈ જવાય છે. અને જ્વલનશીલ પદાર્થ ફેકનાર કોણ છે તે અંગેની તપાસના ચક્રો તથા સીસીટીવીની તપાસના ચક્રો પણ ગતીમાન કર્યા છે.
