વલભીપુર તાલુકાના ચમારડી નજીક ગત રાત્રે બનેલો બનાવ
વલભીપુર તાલુકાના ચમારડી ગામે આવેલ એક કંપનીના કર્મચારી બોલિવૂડ સ્ટાર જેકી શ્રોફનો કાર્યક્રમ નિહાળી પરત ફરેલ અને રાત્રીના કંપની સામે ખુલ્લા મેદાનમાં ખાટલો ઢાળી સુતો હતો ત્યારે એક ટ્રક ચાલકે બેફીકરાઇથી ટ્રક ચલાવી કચડી નાખી કાયમી પોઢાડી દીધો હતો આ બનાવ અંગેની જાણ થતા તુરંત સિહોર પોલીસ કાફલો ઘટનાસ્થળે દોડી ગયો હતો અને તપાસ હાથ ધરી હતી બનાવ અંગે કર્મચારીઓમાં શોક છવાયો હતો. બનાવ અંગે પ્રાપ્ત વિગતો મુજબ વલભીપુર તાલુકાના ચમારડી ખાતે આવેલી સાંઈબંધન ઇન્ફિનિયમ પ્રાઇવેટ લિમિટેડ કંપની ખાતે ગત રાત્રીના સમયે બોલિવૂડ સ્ટાર જેકી શ્રોફનો કાર્યક્રમ યોજવામાં આવ્યો હતો જે નિહાળી કંપનીના કર્મચારી ડંભાળીયા ગામના રહીશ એવા ભરત સવજીભાઈ મકવાણા ઉ.વ.૩૦ નામનો યુવાન મોડીરાત્રીના કાર્યક્રમ પૂર્ણ થયા બાદ સીતારામ પેટ્રોલ પંપની બાજુમાં આવેલ ખુલ્લા મેદાનમાં ખાટલો ઢાળી સૂતો હતો ત્યારે અચાનક ટ્રક નંબર gj10 t ૮૭૩૩ના ચાલકે બેફિકરાઈથી ટ્રક ચલાવી નીંદરમાં ખાટલા પર સુતેલા યુવાનને ટક્કર મારી કચડી નાખ્યો હતો જેને ગંભીર ઈજા થતાં યુવાન ઘટનાસ્થળે જ કાંયમ માટે પોઢી ગયો હતો આ બનાવવાની જાણ થતા તુરંત લોકો એકઠા થઇ ગયા હતા અને પોલીસને જાણ કરતા શિહોર પોલીસનો કાફલો ઘટનાસ્થળે દોડી ગયો હતો અને જરૂરી કેસ કાગળો તૈયાર કરી તેના પરિવારને જાણ કરવા સાથે લાશને શિહોર હોસ્પિટલમાં પીએમ માટે ખસેડવામાં આવી હતી પોલીસે ટ્રક ચાલક વિરુદ્ધ ગુનો નોંધી વધુ તપાસ હાથ ધરી છે આ બનાવથી ભારે ચકચાર મચી જવા પામી છે.
