તાજેતરમાં યોજાયેલ સ્પેશિયલ ખેલ મહાકુંભમાં પીએનઆર સોસાયટી સંચાલિત સીપી સ્કૂલ, દિશા વિકાસ પ્રોજેક્ટ અને ઓટિઝમ સ્કૂલના વિદ્યાર્થીઓએ ભાગ લીધો હતો. અને આ પૈકી ૨૧ સ્પર્ધામાં વિજેતા બન્યા છે. કુલ ૧૬ વિદ્યાર્થીઓએ ૨૧ મેડલ્સ મેળવ્યાં. આમાં આ પાંચ વિદ્યાર્થીઓએ બે રમતોમાં ભાગ લઈ બંનેમાં મેડલ જીતવામાં સફળતા મેળવી હતી અને સંસ્થાનું તથા ભાવનગર જિલ્લાનું ગૌરવ વધાર્યું હતું. આ વિજેતા વિદ્યાર્થીઓ આગામી દિવસોમાં યોજાનાર રાજ્યકક્ષાના ખેલ મહાકુંભમાં ભાવનગરનું પ્રતિનિધિત્વ કરશે. પ્રિન્સિપાલ જીજ્ઞાબેન સોલંકીના માર્ગદર્શન નીચે સમગ્ર સ્ટાફે બાળકોની આ સિધ્ધિ માટે જહેમત ઉઠાવી હતી.
