વડાપ્રધાન મોદી મન કી બાત દ્વારા દેશવાસીઓને સંબોધિત કર્યું : કેદારનાથમાં કેટલાક તીર્થયાત્રીઓ દ્વારા ફેલાવાતી ગંદકીથી પર મોદીએ કહ્યું આપણે યાત્રાએ જઈએ અને ત્યાં ગંદકીનો ઢગલો થાય, એ સારી વાત નથી
નવી દિલ્હી, તા.૨૯
પીએમ નરેન્દ્ર મોદી આજે સવારે ૧૧ વાગ્યે પોતાનો કાર્યક્રમ મન કી બાત દ્વારા દેશવાસીઓને સંબોધિત કર્યું હતું. દર મહિનાના છેલ્લા રવિવારે સવારે ૧૧ વાગ્યે ઓલ ઈન્ડિયા રેડિયો અને ડીડી ચેનલો પર પ્રસારિત થનાર ’મન કી બાત’ કાર્યક્રમનો આ ૮૯મો એપિસોડ હતો. વડાપ્રધાન મોદીએ મન કી બાત કાર્યક્રમમાં સંબોધન કર્યું હતું. જેમાં તેમણે કહ્યું કે તાજેતરમાં દેશે એવી સિદ્ધિ મેળવી છે જે આપણા બધાને પ્રેરણા આપે છે. ક્રિકેટના મેદાન પર બેટ્સમેનની સદી સાંભળીને તમને ખુશી થશે, પરંતુ ભારતે બીજા મેદાનમાં પણ સદી ફટકારી છે. આ મહિનાની ૫મી તારીખે દેશમાં યુનિકોર્નની સંખ્યા ૧૦૦ પર પહોંચી ગઈ છે. યુનિકોર્ન એટલે કે ઓછામાં ઓછું સાડા સાત હજાર કરોડનું સ્ટાર્ટઅપ છે. આ યુનિકોર્નનું કુલ મૂલ્ય ૨૫ લાખ કરોડ રૂપિયાથી વધુ છે. આ દરેક ભારતીય માટે ગર્વની વાત છે. પીએમ મોદીએ કહ્યું કે ભારતીય યુનિકોર્નનો વાર્ષિક વિકાસ દર યુએસએ, યુકે અને અન્ય ઘણા દેશો કરતા વધારે છે. આગામી સમયમાં તેમાં જોરદાર ઉછાળો આવશે તેવું પણ જાણકારોનું કહેવું છે. અમારા યુનિકોર્ન વિવિધ પ્રદેશોમાંથી છે. સ્ટાર્ટઅપ વિશ્વ નવા ભારતની ભાવનાને વેગ આપી રહ્યું છે. દેશમાં સ્ટાર્ટઅપ્સની સંખ્યા સતત વધી રહી છે. પીએમ મોદીએ કહ્યું, ’ાોડા દિવસો પહેલા મને એક એવી રસપ્રદ અને આકર્ષક વસ્તુ મળી, જેમાં દેશવાસીઓની સર્જનાત્મકતા અને કલાત્મક પ્રતિભાનો રંગ ભરેલો છે. તમિલનાડુના તંજાવુરના એક સ્વ-સહાય જૂથ દ્વારા મને મોકલવામાં આવેલી આ અદ્દભૂત ભેટ છે. આ ભેટમાં ભારતીયતાની સુગંધ છે અને તે માતા-શક્તિના આશીર્વાદ – તેમના મારા પ્રત્યેના સ્નેહને પણ પ્રતિબિંબિત કરે છે. આ એક ખાસ તંજાવુર ડોલ છે, જેને ય્ૈં ટેગ પણ મળ્યો છે. સ્થાનિક સંસ્કૃતિ સાથે જોડાયેલી આ ભેટ મને મોકલવા બદલ હું તંજાવુર સ્વ-સહાય જૂથનો વિશેષ આભાર માનું છું.’ પીએમ મોદીએ કહ્યું કે આપણી ઓળખ અલગ ભાષા અને ખોરાક છે. આ વિવિધતા આપણને એક રાષ્ટ્ર તરીકે એકજૂથ રાખે છે. આ દરમિયાન તેમણે મૂળ ઉત્તરાખંડમાં જોશીમઠની કલ્પનાનો ઉલ્લેખ કર્યો. પીએમે કહ્યું કે કલ્પના આજે તેની સખત મહેનતથી આપણા બધા માટે એક ઉદાહરણ બની ગઈ છે. તે પહેલા ટીવીથી પીડાતી હતી અને ત્રીજા ધોરણમાં તેની આંખોની રોશની ગુમાવી હતી. કલ્પનાએ હાલમાં જ કર્ણાટકમાં તેની ૧૦મીની પરીક્ષા પાસ કરી છે. આશ્ચર્યની વાત એ છે કે તેણે ૩ મહિનામાં કન્નડ ભાષા શીખી અને ૯૨ માર્ક્સ મેળવ્યા.
મન કી બાતમાં પીએમ મોદીએ ઉત્તરાખંડની ચારધામ યાત્રાનો પણ ઉલ્લેખ કર્યો હતો. તેમણે કહ્યું કે દરરોજ હજારો ભક્તો કેદારનાથ પહોંચી રહ્યા છે. લોકો આ પ્રવાસના સુખદ અનુભવો શેર કરી રહ્યા છે. પરંતુ મેં એ પણ જોયું કે કેદારનાથમાં કેટલાક તીર્થયાત્રીઓ દ્વારા ફેલાવવામાં આવેલી ગંદકીથી ભક્તો પણ ખૂબ જ દુઃખી છે. સોશિયલ મીડિયા પર પણ ઘણા લોકોએ પોતાના વિચારો વ્યક્ત કર્યા છે. આપણે પવિત્ર યાત્રાએ જઈએ અને ત્યાં ગંદકીનો ઢગલો થાય, એ સારી વાત નથી. પરંતુ આ દરમિયાન ઘણા લોકો એવા છે જેઓ દર્શનની સાથે સ્વચ્છતા અભિયાનમાં પણ લાગેલા છે. અનેક સંસ્થાઓ પણ ત્યાં કામ કરી રહી છે. જેમ તીર્થયાત્રાનું મહત્વ અહીં આપણામાં છે, તેવી જ રીતે તીર્થ સેવાનું પણ મહત્વ જણાવવામાં આવ્યું છે. તેમણે કહ્યું, આ તંજાવુર ડોલ જેટલી સુંદર છે, તેટલી જ તે મહિલા સશક્તિકરણની નવી કહાની પણ લખી રહી છે. તંજાવુરમાં મહિલા સ્વ-સહાય જૂથના સ્ટોર્સ અને કિઓસ્ક પણ ખુલી રહ્યા છે. જેના કારણે કેટલાય ગરીબ પરિવારોની જિંદગી બદલાઈ ગઈ છે. આવા કિઓસ્ક અને સ્ટોર્સની મદદથી મહિલાઓ હવે ગ્રાહકોને તેમની પ્રોડક્ટ સીધું વેચી શકશે. આ પહેલને ’થરગાઈગલ કૈવિનાઈ પોરુત્તકલ વીરપ્પનાઈ અંગાડી’ નામ આપવામાં આવ્યું છે. ખાસ વાત એ છે કે આ પહેલ સાથે ૨૨ સ્વ-સહાય જૂથો જોડાયેલા છે. પીએમ મોદીએ કહ્યું, મન કી બાતના શ્રોતાઓને મારી પણ વિનંતી છે. તમે, તમારા વિસ્તારમાં કયા મહિલા સ્વસહાય જૂથો કાર્યરત છે તે શોધો. તમારે તેમના ઉત્પાદનો વિશે પણ માહિતી એકત્રિત કરવી જોઈએ અને આ ઉત્પાદનોનો શક્ય તેટલો ઉપયોગ કરવો જોઈએ. આ કરવાથી તમે માત્ર સ્વસહાય જૂથની આવક વધારવામાં મદદ કરશો, પરંતુ ’આત્મનિર્ભર ભારત અભિયાન’ને પણ પ્રોત્સાહન મળશે. આ દરમિયાન પીએમ મોદીએ ગણા એવા લોકોની વાત કરી, જેમણે જાતે પોતાનું સ્ટાર્ટઅપ શરૂ કર્યું અને રોજગાર ઉભું કરવા માટે કામ કર્યું. તેના સિવાય મોદીએ જણાવ્યું કે, આપણા માટે એ ખુબ જ ખુશીની વાત છે કે સ્ટાર્ટઅપ્સ માટે ભારતમાં આજે પુરો સપોર્ટ સિસ્ટમ તૈયાર થઈ રહ્યો છે. આવનાર સમયમાં અમે ભારતના સ્ટાર્ટઅપ વર્લ્ડની નવી ઉડાન જોવા મળશે. યોગ દિવસ વિશે વાત કરતા પીએમ મોદીએ કહ્યું, ’મિત્રો, આ વખતે આપણા દેશમાં ’અમૃત મહોત્સવ’ને ધ્યાનમાં રાખીને દેશના ૭૫ મુખ્ય સ્થળોએ ’આંતરરાષ્ટ્રીય યોગ દિવસ’નું પણ આયોજન કરવામાં આવશે. આ અવસર પર ઘણી સંસ્થાઓ અને દેશવાસીઓ પોતપોતાના ક્ષેત્રોમાં વિશેષ સ્થાનો પર પોતાના સ્તરે કંઈક નવીન કરવાની તૈયારી કરી રહ્યા છે. હું તમને પણ વિનંતી કરીશ કે, આ વખતે યોગ દિવસની ઉજવણી કરવા માટે તમારા શહેર, નગર કે ગામડામાં સૌથી વિશેષ હોય તેવી કોઈ જગ્યા પસંદ કરો. હું ઈચ્છું છું કે તમે પણ ’યોગ દિવસ’ની તૈયારીઓ હમણાંથી જ શરૂ કરો. વધુમાં વધુ લોકોને મળો, સૌને ’યોગ દિવસ’ના કાર્યક્રમમાં જોડાવા વિનંતી કરો, પ્રેરણા આપો. મન કી બાતના ૮૮મા એપિસોડમાં પીએમ નરેન્દ્ર મોદીએ દિલ્હીમાં ઉદ્ઘાટન કરાયેલ “પ્રધાનમંત્રી સંગ્રહાલય” નો ઉલ્લેખ કરતા દેશના ભૂતપૂર્વ વડા પ્રધાનોના યોગદાનને યાદ કર્યું. પીએમ મોદીએ યુવાનોને પોતપોતાના વિસ્તારોમાં મ્યુઝિયમની મુલાકાત લેવા પણ આહ્વાન કર્યું હતું. પીએમ મોદીએ કહ્યું હતું કે, મારી પાસે મારા યુવા મિત્રો માટે ટ્ઠએક આઈડિયા છે. તમે તમારા વિસ્તારમાં કોઈપણ મ્યુઝિયમ જોવા જાઓ, ત્યાં તમારો અનુભવ પોસ્ટ કરો. જણાવી દઈએ કે આ કાર્યક્રમને ૨૩ ભાષાઓ અને ૨૯ બોલીઓમાં પ્રસારિત કરવામાં આવે છે. ’મન કી બાત’ કાર્યક્રમનો પહેલો એપિસોડ વર્ષ ૨૦૧૪માં ૩ ઓક્ટોબરે પ્રસારિત થયો હતો.
