રાજ્યના ૯૮ તાલુકામાં વરસાદ વરસ્યોઃ સૌથી વધુ જૂનાગઢના માણાવદરમાં ૨.૫ ઈંચ
ભાવનગર,તા.૨૪
ગુજરાતમાં વરસાદને લઇને હવામાન વિભાગે વધુ એક આગાહી કરી છે. હવામાન વિભાગે આગાહી કરતા જણાવ્યું કે, સૌરાષ્ટ્રમાં પણ ભારે વરસાદની હવામાન વિભાગે આગાહી કરી છે. જૂનાગઢ, રાજકોટ, પોરબંદર, અમરેલી, ભાવનગર, ગીર સોમનાથ, મોરબી સહિતના જિલ્લાઓમાં વરસાદ પડશે. રાજ્યમાં આગામી બે દિવસમાં દક્ષિણ ગુજરાતમાં ભારે વરસાદ વરસશે.’ હવામાન વિભાગે સુરત, વલસાડ, નવસારી, તાપી અને ડાંગમાં અતિ ભારે વરસાદની આગાહી કરી છે. અમદાવાદ, ગાંધીનગર સહિત મધ્ય ગુજરાતમાં સામાન્ય વરસાદ રહેશેઆગામી દિવસોમાં વરસાદી સિસ્ટમ સક્રિય થશે. જેના લીધે દરિયાઈ વિસ્તારમાં દરિયો ન ખેડવા માછીમારોને સૂચના અપાઇ છે. છેલ્લા ૨૪ કલાકમાં રાજ્યના ૯૮ તાલુકામાં વરસાદ વરસ્યો છે. જેમાં સૌથી વધુ જૂનાગઢના માણાવદરમાં ૨.૫ ઈંચ વરસાદ ખાબક્યો છે. ખાંભામાં પોણા ૩ ઈંચ, રાણાવાવમાં સવા ૨ ઈંચ વરસાદ, સાવરકુંડલામાં ૨ ઈંચ, ગીર ગઢડામાં પોણા ૨ ઈંચ વરસાદ, ક્વાંટમાં ૧.૫ ઈંચ, કુતિયાણામાં ૧.૫ ઈંચ વરસાદ, બોડેલીમાં સવા ઈંચ, પોરબંદરમાં સવા ઈંચ વરસાદ, નખત્રાણામાં સવા ઈંચ, મહુવામાં ૧ ઈંચ વરસાદ, વડિયામાં ૧ ઈંચ અને ખંભાતમાં ૧ ઈંચ વરસાદ ખાબક્યો છે.
