મુસ્લીમ સમાજના પવિત્ર તહેવાર રમઝાન ઇદની આસ્થાભેર ઉજવણી કરે છે. આજે ઇદ ઉલ ફીત્રની શાનદાર ઉજવણી મુસ્લીમ સમાજ દ્વારા કરવામાં આવી હતી.
વેરાવળ સુન્ની મુસ્લીમ જમાતની આગેવાની હેઠળ શનિવારે સવારે ૮.૩૦ કલાકે ઇદગાહ ખાતે રમઝાન ઇદની નમાઝ પઢવા માટે ૨૫૦૦૦ થી વધારે મુસ્લીમ બિરાદરો એક જ સ્થળે ભેગા થયા હતા. તે પહેલા આરબચોકથી મુસ્લીમ સમાજનું એક વિશાળ ઝુલુસ નિકળ્યુ હતું. મૌલાના અબ્દુલ રઝાક ઇદની નમાઝ અદા કરાવી હતી. બાદમાં એકબીજાને ભેટીને મુસ્લીમ બિરાદરો રમજાન ઇદની મુબારક બાદી પાઠવી હતી. વિવિધ જગ્યાએ ઇદમિલન સમારોહ ભવ્યતાથી ઉજવાયો હતો. પોલીસ ચુસ્ત બંદોબસ્ત ગોઠવ્યો હતો. સામાજીક કાર્યકર જસમાલભાઈ વાળા, બકુલભાઈ ચાપટીયા, દિનેશભાઈએ રમજાન ઇદની મુબારક બાદી પાઠવી હતી.
