ભાવનગર-વલ્લભીપુર હાઈવે પર ચમારડી ચોગઠ રોડ પર આવેલ કાળુભારના સાંકડાપુલમાં વહેલી સવારે ટ્રક નીચે ખાબકતાં ડ્રાઈવરનું ઘટના સ્થળે જ મોત નિપજવા પામ્યું હતું. બનાવની જાણ થતા વલ્લભીપુર પોલીસ બનાવ સ્થળે દોડી જઈ વધુ તપાસ હાથ ધરી છે.
પ્રાપ્ત વિગત મુજબ ચમારડી- ચોગઠ રોડ પર આવેલ કાળુભારના સાંડકાપુલ પરથી રેતી ભરેલો ટ્રક નં. .જી.જે. ૧૦ યુ ૬૧૩૧ લઈ પસાર થતા દિનેશભાઈ ધનજીભાઈ ચુડાસમા (ઉ.વ.૪૦) રે. ચમારડી વાળા કોઈ કારણોસર સ્ટેયરીંગ પરથી કાબુ ગુમાવતા ટ્રક નાળામાં નીચે ખાબકયો હતો. બનાવમાં દિનેશભાઈને ગંભીર ઈજાઓ થતા તેમનું સ્થળ પર જ કરૂણ મોત નિપજવા પામ્યું હતું. બનાવની જાણ થતાં વલ્લભીપુર પોલીસ બનાવ સ્થળે દોડી જઈ મૃતકના કૌટુંબીકભાઈ ભરતભાઈ વલ્લભભાઈ ચુડાસમાની ફરિયાદ નોંધી વધુ તપાસ હાથ ધરી હતી.
