ઘોઘા મામલતદાર કચેરી ખાતે અધિકારીઓ કર્મચારીઓની બેદરકારીના કારણે દુર દુરના ગામડાઓમાંથી વહીવટી કાર્યો અર્થે આવતા લોકો ભારે પરેશાનીઓ વેઠી રહ્યા છે.
ભાવનગર જિલ્લાના ઘોઘા ગામે આવેલ મામલતદાર કચેરી ખાતે લાંબા સમયથી અત્રે આવતા અરજદારો તંત્રની ગંભીર બેદરકારીનો ભોગ બની રહ્યા છે. અત્રે ઈ-સ્ટેમ્પિંગ માટે સૌથી વધુ મુશ્કેલીઓ વેઠવી પડી રહી છે ઘોઘા પોષ્ટ ઓફિસમાં રૂા.૨૦નો સ્ટેમ્પ ન હોય લોકોને ધરાર રૂા.૧૦૦નો સ્ટેમ્પ લેવા મજબુર થવુ પડે છે. એ જ રીતે આવકના દાખલા, કિમીલીયર સર્ટી ડોમીસાઈન, સહિતના સર્ટીઓ, મેળવવા માટે અનેક ધક્કાઓ છતા સર્ટીઓ મળી શકતા નથી તો બીજી તરફ મામલતદાર પણ ગેરહાજર રહેતા હોય લોકોા અગત્યના કામો ટલ્લે ચડી રહ્યા છે આ અંગે સત્તાધીશો તાકીદે પગલા લે તેવી લોક માંગ પ્રબળ બની છે.
