જાફરાબાદ શહેરમાં છેલ્લા કેટલાક સમયથી પીજીવીસીએલ દ્વારા વિજ ધાંધીયાના કારણે લોકો તોબા પોકારી ઉઠ્યા છે પીજીવીસીએલમાં સ્ટાફની અછત છે ૩રનો સ્ટાફ હોવો જોઈએ. હાલમાં ૧પનો સ્ટાફ છે. એવું પીજીવીસીએલના અધિકારીએ જણાવ્યું હતું તેમજ ૪ર ગામડા અને જાફરાબાદ શહેર સ્ટાફ માત્ર ૧પ છે. તેમજ બીલ ભરવા માટે માત્ર ૧ બારી છે. જાફરાબાદમાં વીજ ધાંધીયાથી લોકોને અગવડતા પડી રહી છે. અહીં લોકો લાઈટ બીલ ભરવા માટે મજુરીનો દિવસ પાડીને કચેરીએ ધક્કા ખાય છે. સહેજ મોડુ થયું હોવા છતા વીજ બીલ સ્વીકારવામાં આવતા નથી. કચેરીમાં સ્ટાફ ઓછો છે. તેવા જ જવાબો આપવામાં આવે છે. પીજીવીસીએલના અધિકારીની રૂબરૂ મુલાકાતકાર લેતા એવું જણાવવાયું હતું કે અમે અનેક વખત રજુઆત કરી છે. છતા સ્ટાફ વધારવામાં આવેલ નથી.
