ગુજરાતના જુદા જુદા ભાગોમાં મોનસૂન જોરદાર રીતે સક્રિય થયેલ છે. સૌરાષ્ટ્રમાં પણ ઘણી જગ્યાએ ભારે વરસાદ થયો છે. જ્યારે વરસાદી માહોલ હજુ અકબંધ રહેલો છે. એકસાથે ત્રણ સિસ્ટમ સક્રિય થયેલી હોવાથી હજુ ભારે વરસાદ થઈ શકે છે. આગામી પાંચ દિવસ માટે અતિ ભારે વરસાદની ચેતવણી જારી કરવામાં આવી છે. હવામાન વિભાગના કહેવા મુજબ ગુજરાતમાં હજુ પણ ભારે વરસાદનો દોર ચાલી શકે છે. રવિવારથી પણ વરસાદ જારી રહેશે. બંગાળના અખાતમાં લો પ્રેશરની સ્થિતિ સર્જાઈ છે. ઓરિસ્સામાં પણ ભારે વરસાદ થઈ રહ્યો છે. ગુજરાતના જુદા જુદા વિસ્તારોમાં ભારે વરસાદની ચેતવણી તંત્ર દ્વારા અકબંધ રાખવામાં આવ છે. હવામાન વિભાગે કહ્યું છે કે, ગુજરાત પર મોનસુન જોરદારરીતે સક્રિય થયેલું છે. આગામી દિવસોમાં અમદાવાદ, ગાંધીનગર, આણંદ, ખેડા, ડાંગ, નવસારી, વલસાડમાં ભારેથી અતિભારે વરસાદ પડી શકે છે. હવામાન વિભાગે આણંદ, વડોદરા, ડાંગ, તાપી, ભરૂચ, સુરત, પંચમહાલ, દમણ, દાદરા નગર હવેલીમાં ભારેથી અતિ ભારે વરસાદ પડવાની આગાહી કરી છે તો, વલસાડ અને નવસારી જિલ્લાના અલગ-અલગ વિસ્તારોમાં વરસાદ પડવાની આગાહી કરાઇ છે. હવામાન ખાતાની આગાહી મુજબ, સૌરાષ્ટ્ર અને દક્ષિણ ગુજરાતમાં હજુ પણ મેઘમહેર જારી રહેશે. દરમ્યાન હવામાન ખાતાની ભારેથી અતિ ભારે વરસાદની આગાહીને લઇ રાજય સરકાર દ્વારા તંત્રને હાઇ એલર્ટ પર રખાયું છે. અને કોઇપણ પરિસ્થિતને પહોંચી વળવા અને રાહત અને બચાવની કામગીરી યુધ્ધના ધોરણે હાથ ધરવા નિર્દેશો જારી કરાયા છે. હવામાન ખાતાની આગાહી મુજબ, સૌરાષ્ટ્રની વાત કરીએ તો અમરેલી, ભાવનગર, રાજકોટ, પોરબંદર અને બોટાદ જિલ્લાના અલગ-અલગ વિસ્તારોમાં ભારેથી અતિ ભારે વરસાદ પડવાની શકયતા છે. આ જ પ્રકારે ગીર સોમનાથ, જુનાગઢ અને દીવમાં પૂર પ્રકોપ સર્જે એવો વરસાદ પડી શકે છે. હવામાન વિભાગના કહેવા મુજબ ડાંગ, છોટા ઉદેપુર, બનાસકાંઠા, સાબરકાંઠા, અરવલ્લી, મહિસાગર, પંચમહાલ, વલસાડ, નવસારી, સુરત, દમણ અને દાદરા નગર હવેલીના વિવિધ વિસ્તારોમાં વરસાદ પડવાની સંભાવના છે. જ્યારે સૌરાષ્ટ્રના ભાવનગર, અમરેલી, ગીર સોમનાથ, જુનાગઢ, પોરબંદર, રાજકોટ, બોટાદના અલગ-અલગ વિસ્તારોમાં વરસાદ પડી શકે છે.
