પાલીતાણા ખાતે પોલીસે બે અલગ અલગ રેડ દરમિયાન બે શખ્સોને એક બોટલ દારૂ સાથે અને એક શખ્સને ૨૪ બોટલ દારૂ સાથે ઝડપી લઈ ધોરણસર કાર્યવાહી કરી હતી
પ્રાપ્ત વિગત મુજબ પાલીતાણા પોલીસ મથકના હે.કો.સ્ટે. એમ.જી. રાણા તથા સ્ટાફે પેટ્રોલીંગ દરમિયાન હિતેષ પ્રાગજીભાઈ ચુડાસમા અને નિલેષ વેલજીભાઈ પરમાર રે. ભીલવાડા ગરાજીયા રોડવાળાને ઈગ્લીંશ દારૂની બોટલ નંગ-૧ કી. રૂા.૪૦૦ સાથે ઝડપી લીધા હતા જ્યારે સ્ટાફના કિરીટભાઈ જીણાભાઈ બોરીચા અને યુવરાજસિંહ જાડેજા પ્રાઈવેટ ગાડીમાં પેટ્રોલીંગમાં હતા ત્યારે પરીમલ સોસાયટીના નાળા પાસેથી પરવેઝ ખાન ઉર્ફે દિપુ દીલાવરખાન પઠાણ રે. સીપાઈવાડા ઝડપી લીધો હતો અને પ્રોહી એક્ટ મુજબ ગુનો નોંધી વધુ તપાસ હાથ ધરી છે.
