પાલીતાણા શહેરમાં આવેલ હવામહેલ ખાતે રો ફિલ્મના શુટીંગ માટે ફિલ્મી કલાકાર જેકી શ્રોફ અને જોન અબ્રાહમ પહેલા પીપરલા ગામે એક ફિલ્મનો શોટ બાદ પાલીતાણા હવામહેલ ખાતે સવારે ૧૦ કલાકે આવી પહોંચ્યા હતા અને રો ફિલ્મનું શુટીંગ પાલીતાણા હવામહેલ ખાતે ચાલુ કરાયું હતું. આ વાત પાલીતાણા શહેરમાં ફેલાતા ગ્રામજનો હવામહેલ ખાતે ફિલ્મી કલાકારોને જોવા માટે એકઠા થયા હતા. બપોર બાદ જેકી શ્રોફનો રોલ પાલીતાણામાં પૂર્ણ થતા જેકી શ્રોફ રાજકોટ જવા માટે નિકળી ગયા હતા અને જોન અબ્રાહમનું શુટીંગ બાકી હોવાથી જોન અબ્રાહમ મોડી સાંજ સુધી હવામહેલમાં શુટીંગ કર્યું હતું અને રાત્રે જોન અબ્રાહમ પણ રાજકોટ જવા માટે નિકળી ગયા હતા. આ ફિલ્મ સ્ટારોને જોવા માટે પાલીતાણા શહેર તેમજ આજુબાજુના ગામોના લોકો પણ પાલીતાણા હવામહેલ ખાતે દોડી આવ્યા હતા અને હવામહેલની આજુબાજુના લોકોએ પોતાની અગાસી પર જઈને આ ફિલ્મસ્ટારોને જોવા માટે કલાકો સુધી અગાસીમાં હાજર રહ્યાં હતા.
