રાજ્યના હસ્તકલા-હાથશાળ ઉદ્યોગના કારીગરોને પ્રોત્સાહિત કરવા તેમજ તેમને યોગ્ય આર્થિક વળતર મળે તે માટે રાજ્ય સરકારે અનેકવિધ પગલાં લીધા છે.
જેના ભાગરૂપે આગામી તા. ૩ થી ૬ ઓગસ્ટ-૨૦૧૮ દરમિયાન મહાત્મા મંદિર, ગાંધીનગર ખાતે ‘ઇન્ટરનેશનલ બાયર સેલર મીટ, ગરવી ગુજરાત-૨૦૧૮’નું આયોજન ગુજરાત સ્ટેટ હેન્ડલુમ એન્ડ હેન્ડીક્રાફ્ટસ ડેવલપમેન્ટ કોર્પોરેશન લિમિટેડ દ્વારા કરાયું છે.
મહાત્મા મંદિર ખાતે યોજાનાર આ બાયર સેલર મીટને તા.૩જી ઓગસ્ટના રોજ સવારે ૧૦-૦૦ કલાકે મુખ્યમંત્રી વિજયભાઇ રૂપાણી ખુલ્લી મૂકશે.
આ મીટમાં ૧૦૦ આંતરાષ્ટ્રીય અને ૨૦૦ દેશભરના કલા કસબીઓ ઉપસ્થિત રહેશે અને ૧૫૦થી વધુ કૃતિઓનું નિદર્શન કરવામાં આવનાર છે, એમ ગુજરાત હેન્ડલુમ એન્ડ હેન્ડ્રીક્રાફટ્સ કોર્પોરેશનની યાદીમાં જણાવાયું છે.
