પાલીતાણાનાં ઠાડચ ગામ નજીક બપોરનાં સમયે બે બાઈકનો સામ-સામી ધડાકાભેર અકસ્માત સર્જાતા માતા-પિતાની નજર સામે યુવાન દિકરાનું મોત નીપજવા પામ્યુ હતું. જ્યારે માતા-પોતાને ઈજાઓ થતાં સારવાર અર્થે હોસ્પિટલ ખસેડાયા છે.
બનાવની મળતી વિગત મુજબ પાલીતાણાનાં ઠાડચ ગામ પાસેથી તળાજા તરફ બાઈક નં.જી.જે.૪ એ.કે. ૨૫૭૭ પર જઈ રહેલા સુરેશભાઈ મકવાણા તેમની પત્ની હંસાબેન અને પુત્ર જય ઉ.૧૮ને સામેથી પુરપાટ ઝડપે આવી રહેલાં ગારીયાધારના મફતપરા ગામે રહેતાં વિપુલ બાબુભાઈ ધોળકીયાએ ધડાકાભેર અકસ્માત સર્જાતા બાઈક પર સવાર સુરેશભાઈ અને તેના પત્ની તેમજ પુત્ર જયને ગંભીર ઈજાઓ થવા પામી હતી. જેમા જય મકવાણાનું ઘટના સ્થળે મોત નીપજવા પામ્યુ હતું. જ્યારે બન્ને માતા-પિતાને સારવાર અર્થે હોસ્પિટલ ખસેડાયા હતા. બનાવ અંગે મૃતકના સાળા જગદિશભાઈ વનમાળીભાઈએ પાલીતાણા રૂરલ પોલીસમાં ફરીયાદ આપતા પોલીસે બાઈક ચાલક જગદિશભાઈ વિરૂદ્ધ ગુનો નોંધી તપાસ હાથ ધરી છે.
