રાષ્ટ્રવાદી કોંગ્રેસ પાર્ટી એન.સી.પી.ના પૂર્વ ઉડ્ડયન મંત્રી પ્રફુલ પટેલ તાજેતરમાં પાસ કન્વીનર હાર્દિક પટેલની ઉપવાસી છાવણી ખાતે હાર્દિકના ખબર અંતર પુછવા માટે જઈ રહ્યા હોય તે વેળા પોલીસ દ્વારા તેમને અટકાવ્યા હતા જે બાબત અંગે ભાવનગર એન.સી.પી. દ્વારા જિલ્લા કલેકટરને આવેદન પત્ર પાઠવી એવા પ્રકારે રજુઆત કરી છે કે આઝાદ ભારતદેશમાં લોકશાહીના શાસનમાં સ્વતંત્ર નાગરીકની સ્વતંત્રતા જોખમાઈ રહે છે એક પૂર્વ નેતાને પોલીસ દ્વારા અટકાવી સરકારના ઈશારે લોક આઝાદી છીનવવાનો હિન પ્રયાસ કરવામાં આવી રહ્યો છે. આ ઘટના અતિશરમ જનક અને દુઃખદ ગણાય રહી છે ત્યારે આ અંગે સરકારનું ધ્યાન દોરવા અને લોક અધિકારો અને તેની આઝાદી ન છીનવવા રજુઆત કરી રહ્યા છીએ તેમ આવેદન પત્રમાં જણાવ્યુ છે.
