ગાંધીનગર શહેરમાં વરસાદ બાદ સેકટરોનાં ખુલ્લા મેદાનોમાં તથા સરકારી આવાસોની આસપાસની ખુલ્લી જગ્યામાં જંગલી ઘાસ ભરડો લે છે. જેના કારણે રખડતા પશુઓનાં આંટાફેરા વધવા સાથે ઘાસમાં સતત ભેજનું પ્રમાણ જળવાઇ રહેવાનાં કારણે મચ્છરોને પણ રહેવા માટે આવાસ મળી જાય છે. વર્તમાન દિવસોમાં આ જંગલી ઘાસનાં કારણે મચ્છરોનો ઉપદ્રવ સતત વધી રહ્યો છે.
ઘરની બારી ખોલતાની સાથે જ મચ્છરો ઘુસણખોરી શરૂ થઇ જાય છે. મચ્છરોની ઉત્પતી માટે મેટરનીટી હોમ સમા આ ઘાસને વહેલી તકે ઢાળી દેવામાં આવે તો મચ્છરોનાં ત્રાસમાંથી રાહત થઇ શકે તેમ છે.
