ગાંધીનગરના માર્ગો બોલ મારી અંબે જય જય અંબેના નાદથી ગુંજવા લાગ્યા છે. ભાદરવી પુનમે અંબાજી દર્શને જતાં ભકતોના માર્ગમાં આવતું પાટનગર પણ ભકતોની સેવા માટેના અનેક કેમ્પોથી ભક્તિમય બન્યું છે.
જુદી જુદી સેવાઓ કરવા માટે જુદા જુદા મંડળો, પક્ષો તથા લોકોએ માર્ગમાં સેવા માટેના કેમ્પ લગાવી સેવા કાર્ય આરંભ્યું છે. પગપાળા અંબાજી જતાં ભક્તો માટે સ્નાન, આરામ, ભોજન તેમજ મેડિકલ સેવાઓ જુદા જુદા કેમ્પમાં પુરી પાડવામાં આવતી હોય છે. જે ભકતોની તમામ જરૂરિયાતોને ધ્યાન રાખે છે. પૂનમના થોડા દિવસ બાકી હોય ત્યાં સુધી આ કેમ્પમાં અવિરત સેવા કાર્ય કરાતું હોય છે.
