ગાંધીનગરના માર્ગો ઉપર બોલ મારી અંબે, જય જય અંબેના નાદ સંભળાવાના શરૂ થયા છે. ત્યારે શહેરના સેવાભાવી નાગરિકો દ્વારા સેવાકેન્દ્રો શરૂ કરાયા છે. ગાંધીનગરના વકીલ મિત્રો દ્વારા ક ૭ પાસે મહાકાળી સેવા કેન્દ્રનુ આયોજન કરાયુ છે. સતત ૧૫માં વર્ષે સેવાકેન્દ્ર રવિવારે સવારે ૮ કલાકે પરમવિદુષિ બાલયોગીની સાધ્વીજીના હસ્તે કેમ્પનો શુભારંભ થયો હતો. જેમાં ધારાસભ્ય ડૉ. સી જે ચાવડા, બાર કાઉન્સિલના મેમ્બર શંકરસિંહ ગોહિલ, દિલીપસિંહ બિહોલા, અશ્વિન ત્રવેદી સહિતના નામી ધારાશાસ્ત્રીઓ હાજર રહ્યા હતા.
