શહેરના ઘોઘા રોડ પર ફાતીમાં સ્કુલ પાસે બપોરના સમયે મીની બસ અને બાઈક વચ્ચે અકસ્માતનો બનાવ બનતા બાઈક ચાલકને ઈજાઓ થતાં સારવાર અર્થે હોસ્પિટલ ખસેડાયો છે.
પ્રાપ્ત વિગત મુજબ શહેર નજીકના માલણકા ગામે રહેતા કાળુભાઈધીરૂભાઈ કંટારીયા (ઉ.વ.૧૯) પોતાનું મોટર સાયકલ નં જી.જે.૪ બી.બી. ર૬ર૦ લઈ ઘોઘા રોડ પરથી પસાર થતા હતા ત્યારે સામેથી આવી રહેલ પુનમ ટ્રાવેલ્સની મીની બસનં. જી.જે.૧૧ ટી.ટી. પપ૮ સાથે ધડાકાભેર અકસ્માત સર્જાતા બાઈક ચાલક કાળુભાઈને માથાના ભાગે ગંભીર ઈજાઓ થતાં સારવાર અર્થે સર.ટી. હોસ્પિટલ ખસેડાયા હતાં. બનાવ અંગે ઘોઘા રોડ પોલીસે ગુનો નોંધી વધુ તપાસ હાથ ધરી છે.
