એરોન ફિન્ચની પાકિસ્તાન સામે સંયુક્ત આરબ અમિરાતમાં રમાનારી ટી-૨૦ આંતરરાષ્ટ્રીય મેચોની આગામી શ્રેણી માટે ઑસ્ટ્રેલિયાની ટીમના કેપ્ટન તરીકે નિમણૂક કરાઈ હતી અને મિચ માર્શ તથા એલેક્સ કેરેય વાઈસ-કેપ્ટન તરીકે કામગીરી બજાવશે.
તાજેતરમાં આયોજક ઝિમ્બાબ્વે સામે ટી-૨૦ મેચોમાં ઑસ્ટ્રેલિયાની ટીમનું સુકાન સંભાળેલ ફટકાબાજ બેટ્સમેન ફિન્ચ આ પ્રકારની ક્રિકેટમાં હાલમાં સૌથી શ્રેષ્ઠ ફોર્મ અનુભવતો ખેલાડી છે, એમ ટીમના મૅનેજર જસ્ટીન લેન્ગરે કહ્યું હતું.
ત્રણ ટી-૨૦ આંતરરાષ્ટ્રીય મેચ દુબઈમાં ૨૪મી, ૨૬મી અને ૨૮મી ઑક્ટોબરે રમાશે.
ઑસ્ટ્રેલિયાની ટીમઃ એરોન ફિન્ચ (કેપ્ટન), મિચ માર્શ, એલેક્સ કેરેય, એશટન એગર, નેથન કોલ્ટર-નાઈલ, ક્રિસ લિન, નેથન લાયન, ગ્લેન મેક્સવેલ, બેન મેકડરમોટ, ડાર્સી શોર્ટ, બિલી સ્ટેનલેક, મિચ સ્ટાર્ક, એન્ડ્રુ ટીઈ, એડમ ઝામ્પા.
