વિરાટ કોહલીએ ભારતીય ક્રિકેટ કંટ્રોલ બોર્ડને અનુરોધ કર્યો છે કે ખેલાડીઓની પત્નીઓને વિદેશી ટૂર સમયે પૂરાં સમય સુધી સાથે રહેવાની મંજૂરી મળે. કોહલીની આ માગ અંગે બીસીસીઆઈના સીઓએના એક અધિકારીએ કહ્યું કે, “હાં, તેઓએ આ પ્રકારની માંગ કરી છે. પરંતુ અમે ઉતાવળે કોઈ નિર્ણય નથી લેવા માંગતા. અમે કહ્યું કે આ અરજીને અમે પદાધિકારીઓ સુધી પહોંચાડી દઈશું. નીતિઓમાં હાલ કોઈ ફેરફાર નહીં થાય.”
વર્તમાન નિયમો મુજબ વિદેશી ટૂર પર પત્નીઓને બે અઠવાડીયા સુધી જ સાથે રહી શકે છે. કોહલીએ આ મુદ્દો બીસીસીઆઈના એક વરિષ્ઠ અધિકારીઓની સામે ઉઠાવ્યો છે. અધિકારીએ આ માંગને વિનોદ રાય અને ડાયનાની અધ્યક્ષતાવાળી સીઈઓ સુધી પહોંચાડી દીધી છે.
મીડિયા રિપોટ્સ મુજબ, આ બીસીસીઆઈનો નીતિગત નિર્ણય છે. સીઓએ નવા બીસીસીઆઈની રચના સુધી આ મુદ્દે મૌન રહી શકે છે. ખેલાડીઓ સાથે વિદેશ જતી ખેલાડીઓની પત્નીનો મુદ્દો વારંવાર ઉઠાવવામાં આવે છે. ક્રિકેટના જાણકારો વચ્ચે આ મુદ્દે સહમતી નથી.
