શહેરના ડી.ડીવીઝન પોલીસ મથકના જવાનોએ પુર્વ બાતમી આધારે દેસાઈનગર પાસેથી ત્રણ બાઈક ચોરોને ઝડપી લઈ ત્રણ બાઈકો કબ્જે કરી વાહન ચોરીનો ભેદ ઉકેલ્યો છે.
સમગ્ર બનાવ અંગે પોલીસ સુત્રો પાસેથી જાણવા મળતી વિગતો અનુસાર ડી.ડીવીઝન પોલીસ મથક ડી.સ્ટાફના જવાનોને મળેલ પુર્વ બાતમી આધારે દેસાઈનગર પેટ્રોલ પંપ પાસે વોચમાં હતા તે વેળા ત્રણ શખ્સો એક બાઈક પર ટ્રીપલ સવારીમાં શંકાસ્પદ હાલતે પસાર થતા તેઓને અટકાવી બાઈકના દસ્તાવેજ પુરાવા સાથે નામ સરનામું પુછતા ત્રણેય શખ્સોએ નામ જણાવેલ જેમાં ગૌત્તમ કિશોર મારૂ (ઉ.વ.રર રે. રપ વારીયા ફુલસર, અજય ઉર્ફે ભુરો અનિલ મેર (ઉ.વ.ર૦) રે. આખલોલ જકાત નાકા તથા રાજેશ ઉર્ફે રાજુ બાલા સોલંકી (ઉ.વ.૩૪) રે આવાસ યોજના આખલોલ જકાતનાકા સામે વાળા હોવાનું જણાવેલ.આ શખ્સો પાસે રહેલ બાઈકના કાગળ કે અન્ય પુરાવા રજુ ન કરી શકતા તેમને પોલીસ મથકે લાવી પુછપરછ હાથ ધરતા આ બાઈક ચોરી કરી ફેરવી રહ્યા હોવાનું જણાવેલ વધુમાં અન્ય ત્રણ બાઈકની અલગ-અલગ વિસ્તારોમાંથી ચોરી કર્યાની કબુલાત આપતા પોલીસે ત્રણેય બાઈકનો કબ્જો લઈ ગુનો નોંધી વધુ તપાસ હાથ ધરી છે.
