સુરતના કામરેજ પોલીસ મથકમાં નોંધાયેલા બહુચર્ચીત ગૌત્તમ ઉર્ફે ગોલ્ડનની હત્યાના ગુનામાં વોન્ટેડ દુધાળા ગામના શખ્સને ગારિયાધાર પોલીસે ડમરાળા ગામેથી ઝડપી લઈ ધોરણસર કાર્યવાહી કરી હતી. ગારીયાધાર પોલીસ સ્ટેશનનાં પો.સબ ઇન્સ.આર.એચ.બાર, પો.કો.દિલીપભાઇ ખાચર, પો.કો.શકિતસિંહ સરવૈયા, પો.કો.મયુરસિંહ ગોહિલ, જીતેન્દ્રભાઇ ડાંગર, વિજયભાઇ એમ મકવાણા, વિ.પોલીસ સ્ટાફનાં માણસો ગારીયાધાર પોલીસ સ્ટેશન વિસ્તારમાં પેટ્રોલીંગમાં હતાં તે દરમ્યાન પીએસઆઈ આર.એચ.બાર.સા, પો.કો.શકિતસિંહ સરવૈયા, પો.કો.દિલીપભાઇ ખાચરને સંયુકત બાતમી રાહે હકિકત મળેલ કે સુરત રૂરલમાં આવેલ કામરેજ પોલીસ સ્ટેશનનાં બહું ચર્ચિત કેસ ગૌતમ ઉર્ફે ગોલ્ડન ગોયાણીનાં મડઁરનાં ગુન્હામાં મોસ્ટ વોન્ટેડ નાસતો ફરતો આરોપી જયદિપભાઇ મનુભાઇ ભાલાળા જા.પટેલ ઉ.વર્ષ.૨૬,ધંધો હિરા રહે દુધાળા તા પાલીતાણા જે સુરત કામરેજ પો.સ્ટે નાં ઇ.પી.કો.ક.૩૦૨,૧૨૦,(બી) વિગેરે મુજબનાં ગુન્હાના કામે પકડવાનો બાકી હોય જેને ગારીયાધાર તાલુકાનાં ડમરાળા મુકામેથી પકડી પાડી આરોપીને સીઆરપીસી ૪૧,(૧) મુજબ ધોરણસર અટક કરવામાં આવેલ તેમજ સુરત રૂરલમાં આવેલ કામરેજ પોલીસ સ્ટેશનમાં જાણ કરવામાં આવેલ.
