દહેગામના બાલમુકુદ કોમ્પલેક્ષના પ્રથમ માળે આવેલી એક નોવેલ્ટીની દુકાનમાં શુક્રવારે બપોરે અચાનક આગ ભભૂકી ઉઠી હતી. આગ અંગે આસપાસના લોકોએ જાણ કરતાં તાત્કાલિક પહોંચેલા ફાયર ફાયટર્સે આગને કાબુમાં લીધી હતી.
દહેગામ શહેરના અમદાવાદ રોડ પર આવેલ બાલમુકુંદ કોમ્પલેક્ષના પ્રથમ માળે આવેલે નોવેલ્ટીની દુકાનમાં આ ઘટના બની હતી. દુકાનના માલિક બપોરે જમવા ગયા તે જ સમયે બંધ દુકાનમાં આગ લાગી હતી. દુકાનમાં સળગાવેલી અગરબત્તી ના કારણે આગ લાગી હોવાનું કહેવાય છે. આગના ધુમાડા જોઇ આસપાસના લોકોએ દહેગામ નગરપાલિકાના ફાયર ફાયટર્સને જાણ કરતા તેઓ તાત્કાલિક અસરથી બનાવના સ્થળે દોડી આવી અડધો કલાકમાં આગ પર કાબુ મેળવ્યો હતો.
