સમગ્ર ગુજરાતમાં ગુજરાત પ્રદેશ કોંગ્રેસ સમિતિની સુચનાથી આજરોજ તા.૧૪ નવેમ્બરના રોજ ભારતના પ્રથમ વડાપ્રધા અને વિકાસ પુરૂષ સ્વ.જવાહરલાલ નહેરૂજીની જન્મજયંતિના દિવસથી નહેરૂજીને પુષ્પાંજલી અર્પણ કરી આજથી સમગ્ર ગુજરાતભરમાં કોંગ્રેસ ઘેર-ઘેર અભિયાન શરૂ કરવામાં આવેલ છે. નવસર્જન ગુજરાતનું સ્વપ્ન સાકાર કરવા આજરોજ ભાવનગર શહેરના કુંભારવાડા વિસ્તારમાં શહેર કોંગ્રેસના હોદ્દેદારો, કોર્પોરેટર, આગેવાનો, કાર્યકરો દ્વારા ઘરે-ઘરે જઈને પત્રિકા વિતરણ કરી લોકસંપર્ક કરી આગામી ર૦૧૭ની ચૂંટણી પ્રચારનો પ્રારંભ કરેલ છે. આ લોકસંપર્ક અભિયાનમાં શહેર કોંગ્રેસ પ્રમુખ રાજેશ જોશી, મહાપાલિકાના વિરોધ પક્ષના નેતા જયદિપસિંહ ગોહિલ, જિલ્લા પંચાયત પ્રમુખ સંજયસિંહ સરવૈયા, માજી ધારાસભ્ય દિલીપસિંહ ગોહિલ, માજી શહેર કોંગ્રેસ પ્રમુખ ડો.ડી.બી. રાણીંગા સહિતના આગેવાન, કોર્પોરેટર, વિવિધ સેલ અને વિવિધ પાંખના હોદ્દેદારો હાજર રહેલ.
