સરદાર વલ્લભભાઈ પટેલની જન્મતિથિ નિમિત્તે જિલ્લા વહિવટી તંત્ર દ્વારા “રાષ્ટ્રીય એકતા દિવસ” ની ઉજવણી કરવામાં આવી હતી. જે અંતર્ગત બોટાદ ખાતે રન ફોર યુનિટી કાર્યક્રમ યોજાયો હતો. આ પ્રસંગે યોજાયેલ રેલીને જિલ્લા કલેક્ટર સુજીત કુમાર, જિલ્લા વિકાસ અધિકારી આશિષ કુમાર તેમજ જિલ્લા પોલીસ અધિક્ષક સજ્જનસિંહ પરમારે લીલી ઝંડી આપી પ્રસ્થાન કરાવ્યું હતું. આ રેલી માર્કેટીંગયાર્ડ થી લઈ સરકારી હાઈસ્કુલ ખાતે પહોંચી હતી. જ્યાં પોલીસ કર્મીઓ દ્વારા માર્ચ પાસ્ટ કરવામાં આવી હતી. આ તકે રાષ્ટ્રની એકતા – અખંડતા માટે ઉપસ્થિત સૌએ શપથ લીધા હતા.
આ કાર્યક્રમમાં અધિક કલેકટર બી.વી.લીંબાસીયા, જિલ્લા ગ્રામ વિકાસ એજન્સીના નિયામકશ્રી બી. એમ. પટેલ સહિતના અધિકારી – કર્મચારીઓ તેમજ મોટી સંખ્યામાં વિદ્યાર્થી – શહેરીજનો ઉપસ્થિત રહ્યા હતા.
