ભારતનો ભૂતપૂર્વ બૅટ્સમૅન અને ચપળ ફીલ્ડર મોહંમદ કૈફ ગઈ કાલે ૨૦૧૯ની આઇપીએલ-સિઝન માટે દિલ્હી ડેરડેવિલ્સનો અસિસ્ટન્ટ કોચ નીમાયો હતો. દિલ્હીની કોચિંગ ટીમમાં મુખ્યત્વે રિકી પૉન્ટિંગ અને જેમ્સ હોપ્સનો સમાવેશ છે અને કૈફ તેમની સાથે કામ કરશે. કૈફ ૨૦૧૭ની સિઝનમાં ગુજરાત લાયન્સ ટીમમાં બ્રૅડ હૉજનો સહાયક કોચ હતો. છત્તીસગઢ રાજ્યની ટીમ રણજી ટ્રોફીમાં પહેલી વાર રમવા ઉતરી ત્યારે કૈફ એનો કૅપ્ટન અને પછીથી મેન્ટર (માર્ગદર્શક) હતો.
