ભાવનગર શહેરના છેવાડે વરતેજ- સિદસર રોડ પર આજે ટ્રક અને બાઈકના અકસ્માતમાં બાઈક સવાર યુવાનનું મોત થયું હતું જયારે અન્ય બે યુવાનોને ગંભીર ઈજા થતા સારવાર અર્થે હોસ્પિટલ ખસેડાયા હતાં.
બનાવ અંગેની વિગતો પ્રમાણે વરતેજ-સિદસર રોડ પરથી પસાર થઈ રહેલા બાઈકને ટ્રકે અડફેટે લેતા પાછળના જોટામાં આવી જતા બાઈક પર જઈર હેલા ૩ યુવાનોને ગંભીર ઈજા થતા તેઓને સારવાર અર્થે સર.ટી. હોસ્પિટલમાં ખસેડાયા હતાં. જયાં વિછીયા તાલુકાના પીપરડી ગામે રહેતા વિશાલ મનસુખભાઈ દેલવાડીયા (ઉ.વ.રપ)નું મોત થયું હતું. જયારે મહેરા તથા ઉજ્જવલ નામના યુવાનોને ખાનગી હોસ્પિટલમાં સારવાર માટે દાખલ કરાયેલ. અકસ્માતના આ બનાવ અંગે પોલીસે ટ્રક ચાલક વિરૂધ્ધ ગુનો નોંધી વધુ તપાસ વરતેજ પોલીસ ચલાવી રહી છે.
