ઇસ્લામ ધર્મના મહાન પયગંબર હઝરત મોહંમદ મુસ્તુફા (સ.અ. વ.)ના જન્મદિન ઈદે મિલાદની દહેગામ, માણસા, છાલા સહિત જિલ્લામાં ઠેરે-ઠેર મુસ્લિમ બિરાદરો દ્વારા ભવ્ય ઉજવણી કરવામાં આવી હતી. દહેગામમાં ઈદે મિલાદના રોજ વહેલી સવારે જુમ્મા મસ્જિદમા સુબ્હે બહારા નાત સલાતો સલામનો કાર્યક્રમ યોજાયો હતો. ત્યારબાદ તકરીર અને બાલ મુબારકની ઝીયારત યોજાઈ હતી. બપોરે જુમ્મા મસ્જિદ ચોકમાંથી ભવ્ય જુલુસ કાઢવામાં આવ્યું હતું. સાંજે શાંતિપૂર્ણ રીતે જુલુસ સંપન્ન થયું હતું. દહેગામમાં બહિયલ, કારોલી, કડાદરા, ધારીસણા,જેવા ગામોમાં, માણસામાં રહેતા મુસ્લિમ બિરાદરો તથા ગાંધીનગરમાં પણ ઠેર-ઠેર જુલુસ સાથે ઈદે મિલાદની ઉજવણી કરવામાં આવી હતી.
