બોલીવુડ અભિનેત્રી અમાયરા દસ્તુર હાલ ચર્ચામાં છે. અમાયરા બોલીવૂડ અને સાઉથ બંને ઈન્ડસ્ટ્રીમાં સક્રીય છે. હવે તે ડાન્સ કોરિયોગ્રાફર અને નિર્દેશક પ્રભુદેવા સાથે એક ફિલ્મ કરવાની છે . જેને લઈને અમાયરા ખુબ ઉત્સાહિત છે. અમાયરા એક સાઈકોલોજિકલ થ્રિલર ફિલ્મમાં પ્રભુદેવા સાથે કામ કરવાની છે. એક રિપોટ્ર્સ અનુસાર આ ફિલ્મમાં અમાયરાનો અવતાર અને ભૂમિકા પહેલા કરવામાં આવેલી સાઉથ ફિલ્મો કરતા એકદમ અલગ હશે. આ ફિલ્મમાં અમાયરાને મળેલ પાત્રને લઈને તે ખુબ મહેનત કરી રહી છે. અમાયરાએ કહ્યું આ એક સાઈકોલોજિકલ થ્રિલર ફિલ્મ છે સાથે જ તેમાં કેટલાક ટિ્વસ્ટ પણ જોવા મળશે. અમાયરા વેબ સીરીઝ ધ ટ્રીપમાં જોવા મળી હતી. બોલીવૂડ પ્રોજેક્ટની વાત કરવામાં આવે તો અમાયરા ’મેન્ટલ હૈ ક્યાં’, ’મેડ ઈન ચાઈના’ ’રાજમા ચાવલ’ અને ’પ્રસ્થાનમ’માં જોવા મળશે.
