હંસદેવ આયુર્વેદ અને કુદરતી ઉપચાર કેન્દ્ર દ્વારા આયોજીત ફ્રિ નેચરોપથી કેમ્પમાં નિર્ધારિત દર્દીઓને નિઃશુલ્ક કુદરતી ઉપચાર પદ્ધતિથી સારવાર આપવામાં આવેલ. આ કેમ્પની શરૂઆત ડૉ. પ્રશાંતભાઈ આસ્તિક તથા ગજાનનભાઈ દવેના હસ્તે દીપપ્રગટ્ય સાથે કરવામાં આવેલ. જન જાગૃતિના હેતુસર કરવામાં આવેલ આયોજનમાં ખૂબ જ સારો પ્રતિભાવ મળેલ એ બદલ સંસ્થા સહુનો આભાર માને છે તથા ભવિષ્યના આયોજનમાં પણ આવા જ સહકારની અપેક્ષા રાખે છે. આ કેમ્પમાં ડૉ. પ્રકાશભાઈ ગોહિલ, ડૉ. નિખિલભાઈ ધ્રાંગધરીયા, ડૉ. દર્શનભાઈ વ્યાસ, ડૉ. ભાવેશભાઈ પટેલિયા ઉપરાંત ડૉ. પરેશભાઈ વાઘેલા તથા ડૉ. નીલમબેન ભગાયતા એ ખૂબ જ સરાહનીય કામગીરી કરી હતી. આ કેમ્પની સંપૂર્ણ સફળતા માટે સંસ્થાના સેવારત ડૉ. અવિનાશભાઈ દવે તથા ડો. સુભલબેન દવે એ જહેમત ઉઠાવેલ હતી.
